წესები და პირობები
პერსონალური მონაცემების დაცვის პოლიტიკა
როგორ ვიყენებთ თქვენს პერსონალურ მონაცემებს
ჩვენი მიზანია, გაცნობოთ, თუ როგორ ამუშავებს და იყენებს შპს „იკონსული“ თქვენს პერსონალურ მონაცემებს. ამ დოკუმენტში განვმარტავთ იმ პრინციპებს, რომლებითაც ვხელმძღვანელობთ თქვენი მონაცემების დამუშავებისას და გაგაცნობთ, თუ როგორ გიცავთ კანონი.
ჩვენი ვალდებულება პერსონალური მონაცემების დაცვის შესახებ
ჩვენ, შპს „იკონსული“, გპირდებით, რომ:
- დავიცავთ თქვენი მონაცემების კონფიდენციალურობას.
- არ გამოვიყენებთ თქვენს მონაცემებს უკანონოდ.
- თქვენი მოთხოვნის საფუძველზე, მოგაწვდით სრულ და დეტალურ ინფორმაციას მონაცემთა დამუშავების შესახებ.
ვინ ვართ ჩვენ?
შპს იკონსული
- საიდენტიფიკაციო კოდი: 405512440
- იურიდიული მისამართი: საქართველო, თბილისი, გიორგი ბრწყინვალის ქ. N 30ა, ბინა N 47
- ვებგვერდი: https://www.econsul.io
როგორ გიცავთ კანონი?
ჩვენს დაპირებასთან ერთად, თქვენს დაცვას უზრუნველყოფს საქართველოს კანონი „პერსონალურ მონაცემთა დაცვის შესახებ“. კანონის თანახმად, თქვენ გაქვთ უფლება, მოითხოვოთ ინფორმაცია იმის შესახებ, თუ როგორ ვიყენებთ თქვენს პერსონალურ მონაცემებს.
თქვენი მოთხოვნის შემთხვევაში, კომპანია ვალდებულია მოგაწოდოთ აღნიშნული ინფორმაცია. ჩვენ ვიყენებთ თქვენს პერსონალურ მონაცემებს მხოლოდ იმ შემთხვევაში, თუ არსებობს კონკრეტული სახელშეკრულებო და/ან კანონიერი საფუძველი.
პერსონალური მონაცემების ტიპები, რომლებსაც ვიყენებთ: საკონტაქტო, სოციო-დემოგრაფიული, ღია წვდომისა და საჯარო რეესტრის მონაცემები, სოციალურ ურთიერთობებთან დაკავშირებული მონაცემები, დოკუმენტური მონაცემები, სპეციალური კატეგორიის მონაცემები (ბიომეტრიული მონაცემების ჩათვლით).
წყაროები, საიდანაც ვიღებთ პერსონალურ მონაცემებს
ჩვენ შეგვიძლია მივიღოთ პერსონალური ინფორმაცია თქვენგან პირდაპირ (როდესაც გვაწვდით მას) და სხვა, ქვემოთ ჩამოთვლილი წყაროებიდან.
ჩვენ ვაგროვებთ თქვენგან მონაცემებს, როდესაც:
- ხდებით ჩვენი მომხმარებელი ჩვენს ონლაინ სერვისებზე რეგისტრაციით;
- იყენებთ ჩვენს პროდუქტებს ან სერვისებს;
- გვესაუბრებით ტელეფონით;
- იყენებთ ჩვენს ვებგვერდს, მობილურ აპლიკაციასა და ონლაინ საკონსულტაციო სერვისებს (მაგ., ონლაინ ჩატი);
- გვიგზავნით წერილებს ფოსტით ან ელექტრონული ფოსტით.
ჩვენ ასევე ვიყენებთ მონაცემებს ისეთი წყაროებიდან, როგორიცაა საჯარო რეესტრი და სხვა სახელმწიფო უწყებები.
თქვენი უფლებები
თქვენ შეგიძლიათ მიიღოთ შემდეგი ინფორმაცია თქვენს შესახებ:
- რა მონაცემებს ვამუშავებთ თქვენ შესახებ;
- რა არის თქვენი მონაცემების დამუშავების მიზანი;
- რა არის თქვენი მონაცემების დამუშავების სამართლებრივი საფუძველი;
- როგორ დამუშავდა თქვენი მონაცემები;
- ვისზე გაიცა თქვენი მონაცემები;
- მონაცემთა გაცემის საფუძველი და მიზანი.
თქვენ შეგიძლიათ მოითხოვოთ ჩვენ მიერ დამუშავებული თქვენი მონაცემების ასლი.
თქვენ გაქვთ კანონიერი უფლება, მოითხოვოთ თქვენი მონაცემების გასწორება, განახლება, დამატება, დაბლოკვა, წაშლა ან განადგურება, თუ მონაცემები არასრულია, არაზუსტი, მოძველებული ან მათი შეგროვება და დამუშავება მოხდა უკანონოდ. ჩვენ ვმოქმედებთ საქართველოს კანონმდებლობის შესაბამისად, რამაც შესაძლოა არ მოგვცეს თქვენი პერსონალური მონაცემების დაუყოვნებლივ წაშლის შესაძლებლობა.
ვის ვუზიარებთ თქვენს პერსონალურ მონაცემებს
საქართველოს კანონმდებლობის მოთხოვნებიდან ან თქვენ მიერ არჩეული პროდუქტის თუ სერვისის მიწოდების აუცილებლობიდან გამომდინარე, შესაძლოა, დაგვჭირდეს თქვენი პერსონალური მონაცემების გაზიარება მესამე პირებისთვის.
ჩვენი საქმიანობის ფარგლებში, კონკრეტული ამოცანების შესასრულებლად, ჩვენ შეიძლება გავუზიაროთ თქვენი მონაცემები ისეთ მესამე პირებს, როგორებიც არიან:
- ვებ-ინსტრუმენტებისა და/ან აპლიკაციების შემქმნელები და ტექნიკური მხარდაჭერის ჯგუფები;
- IT სერვისების პროვაიდერები, რომლებიც უზრუნველყოფენ აპლიკაციურ ან ინფრასტრუქტურულ (მაგ., Cloud) მომსახურებას;
- იურიდიული, აუდიტორული და სხვა პროფესიული სერვისების მომწოდებლები (იურისტები, ნოტარიუსები, აუდიტორული კომპანიები და სხვა);
- თაღლითობისა და სხვა დანაშაულებრივი ქმედებების პრევენციის, გამოვლენისა და გამოძიების მიზნით, შესაბამის სპეციალიზებულ კომპანიებთან.
ნებისმიერ შემთხვევაში, როდესაც თქვენს მონაცემებს მესამე პირებს ვუზიარებთ, ჩვენ ვიღებთ ყველა ზომას მათი უსაფრთხოების უზრუნველსაყოფად.
როგორ ვიყენებთ თქვენს მონაცემებს გადაწყვეტილების მიღების ავტომატიზებულ პროცესებში
გადაწყვეტილების ავტომატური მიღებისთვის, მათ შორის, პროფილირებისთვის, ჩვენ ვიყენებთ თქვენს პერსონალურ მონაცემებს, რომლებსაც ვფლობთ ან ვიღებთ სხვა პირებისგან კანონიერი უფლებამოსილების, თქვენთან დადებული ხელშეკრულების ან თქვენი თანხმობის საფუძველზე. ეს გვეხმარება სწრაფი, სამართლიანი და ეფექტური გადაწყვეტილებების მიღებაში. ავტომატური გადაწყვეტილებები გავლენას ახდენს ჩვენი მიმდინარე და მომავალი პროდუქტებისა და სერვისების ხარისხზე.
თუ არ არსებობს შესაბამისი საფუძველი (საკანონმდებლო, სახელშეკრულებო ან თქვენი თანხმობა), შეგიძლიათ უარი თქვათ თქვენი მონაცემების ავტომატურ დამუშავებაზე, მათ შორის, პროფილირების მიზნით, თუ ეს თქვენთვის სამართლებრივ, ფინანსურ ან სხვა მნიშვნელოვან შედეგს იწვევს.
პერსონალური მონაცემების დამუშავება პირდაპირი მარკეტინგის მიზნით
ჩვენ ვიყენებთ თქვენს პერსონალურ მონაცემებს მარკეტინგული მიზნებისთვისაც, რათა მოგაწოდოთ ინფორმაცია თქვენზე მორგებული პროდუქტებისა და შეთავაზებების შესახებ.
ამ მიზნით, ჩვენ ვაგროვებთ როგორც თქვენ მიერ მოწოდებულ ინფორმაციას, ასევე იმ მონაცემებს, რომლებზეც წვდომა გვაქვს თქვენ მიერ ჩვენი სერვისებით სარგებლობისას. ჩვენ შევისწავლით თქვენს მონაცემებს, რათა გავიგოთ, რა გსურთ, გჭირდებათ ან რა შეიძლება იყოს თქვენთვის საინტერესო. ამ ანალიზის საფუძველზე ვადგენთ, რომელი პროდუქტი, სერვისი თუ შეთავაზება იქნება თქვენთვის რელევანტური.
ჩვენ ვიყენებთ თქვენს პერსონალურ მონაცემებს და გიგზავნით მარკეტინგულ შეტყობინებებს მხოლოდ მაშინ, როდესაც გვაქვს თქვენი თანხმობა ან ლეგიტიმური ინტერესი. გპირდებით, რომ ჩვენი საქმიანობა არასდროს იქნება უსამართლო ან თქვენი ინტერესების საზიანო. თქვენ უფლება გაქვთ, ნებისმიერ დროს დაგვიკავშირდეთ და მოგვთხოვოთ მარკეტინგული შეტყობინებების გამოგზავნის შეწყვეტა. ჩვენ პატივს ვცემთ თქვენს არჩევანს და მოთხოვნის მიღებიდან მაქსიმუმ 5 სამუშაო დღის ვადაში შევწყვეტთ თქვენი მონაცემების პირდაპირი მარკეტინგისთვის გამოყენებას.
მიუხედავად ამისა, თქვენი უსაფრთხოებისა და ინტერესების დასაცავად, თქვენ ყველა შემთხვევაში მიიღებთ შეტყობინებებს ჩვენი პროდუქტებისა და სერვისების პირობებში ცვლილებების შესახებ.
რამდენ ხანს ვინახავთ თქვენს პერსონალურ მონაცემებს
ჩვენ ვინახავთ თქვენს პერსონალურ მონაცემებს თქვენთან საქმიანი ურთიერთობის განმავლობაში და მისი დასრულებიდან 10 წლამდე, შემდეგი მიზეზების გამო:
- კითხვებსა და პრეტენზიებზე პასუხის გასაცემად;
- იმის დასამტკიცებლად, რომ ჩვენ სამართლიანად გემსახურებოდით;
- საკანონმდებლო რეგულაციების შესასრულებლად.
შესაძლოა, შევინახოთ თქვენი მონაცემები 10 წელზე მეტი ხნითაც, თუ ამას კანონი მოითხოვს და არ გვაქვს მათი წაშლის სამართლებრივი შესაძლებლობა.
როგორ გააუქმოთ თქვენი თანხმობა
თუ მონაცემთა დამუშავების საფუძველი თქვენი თანხმობაა, მისი გაუქმება შესაძლებელია ნებისმიერ დროს, თუ ეს არ ეწინააღმდეგება კანონის მოთხოვნებს. ასეთი გადაწყვეტილების მიღების შემთხვევაში, გთხოვთ, დაგვიკავშირდეთ.
გაითვალისწინეთ, რომ თანხმობის გაუქმების შემთხვევაში, ჩვენ შესაძლოა ვეღარ შევძლოთ სრულყოფილი სერვისის მოწოდება.
ცვლილებები პერსონალურ მონაცემთა დაცვის პოლიტიკის დოკუმენტში
პერსონალურ მონაცემთა დაცვის პოლიტიკის დოკუმენტი შეიძლება შეიცვალოს კანონმდებლობაში შესული ცვლილებების ან/და კომპანიის შიდა წესების განახლების შესაბამისად.
როგორ დაგვიკავშირდეთ
თუ გაგიჩნდებათ შეკითხვები პერსონალური მონაცემების დაცვასა და დამუშავებასთან, ან ჩვენს უფლება-მოვალეობებთან დაკავშირებით, შეგიძლიათ დაგვიკავშირდეთ ქვემოთ მოცემული საშუალებებიდან ერთ-ერთით:
- ტელეფონი: 032 2114488 (სამუშაო საათებში)
- ელფოსტა: Contact@econsul.io